भोजपुरमा स्थानीय प्रशासनले निषेधाज्ञा
भोजपुरमा स्थानीय प्रशासनले निषेधाज्ञा जारी गरेको छ । विद्यार्थीहरुको झडपपछि उत्पन्न परिस्थिति रोक्न स्थानीय प्रशासनले निषेधाज्ञा जारी गरेको हो । सदरमुकामस्थित मुख्य बजार रिङरोड र त्यस आसपासको ५ किलोमिटर आसपासको क्षेत्रमा विहान नौं बजेदेखि बेलुका पाँच बजेसम्मका लागि निषेधाज्ञा जारि गरिएको छ ।
सार्वजनिकस्थलमा धूमपान निषेध
प्रधानमन्त्री तथा मन्त्रिपरिषद्को कार्यालयका सचिव डा. त्रिलोचन उप्रेतीले सार्वजनिकस्थलमा धूमपान निषेध गर्न तत्काल पहल गरिने बताउनुभएको छ । प्रो-पब्लिक नेपालले मंगलबार राजधानीमा आयोजना गरेको धूमपान निषेधसम्बन्धी छलफल कार्यक्रममा उहाँले उक्त कुरा बताउनुभएको हो ।
पुरिएर चार जना मजदुरको मृत्यु
आज बिहान भक्तपुरको दुवाकोटमा बालुवाखानीमा बालुवा झिक्ने क्रममा पुरिएर चार जना मजदुरको मृत्यु भएको छ। अन्य पाँच जना जति अझै खानीमा च्यापिएर रहेको भन्ने आशंका गरिएको छ।
मोरङका प्रहरी जवानले गुनासो
विराटनगर, मोरङ। रासनमा ठेक्केदारी प्रथा हावी भएका कारण नेपाल सरकारबाट रासनवापत पाउने रकममा ठगिएको भनी मोरङका प्रहरी जवानले गुनासो गरेका छन् ।प्राप्त जानकारीअनुसार प्रहरीहरूले पाउने रासनवापतको रकम सम्बन्धित व्यक्तिमा सिधै नगई ठेक्केदारमार्फत जाने प्रावधान रहेकाले उनीहरूले तोकिएभन्दा कम रकम प्राप्त गरी ठगिएका हुन् ।
Subscribe to:
Post Comments (Atom)
No comments:
Post a Comment